A sede do CDG en Santiago recibe a compañía Inversa Teatro para oito funcións do espectáculo 'Sofía e as postsocráticas'
[11/12/2018]
O equipo da compañía Inversa Teatro inicia hoxe unha estadía de seis días no Salón Teatro de Santiago para ofrecer ata o domingo oito funcións do seu espectáculo Sofía e as postsocráticas, no que aborda a violencia machista e as causas estruturais do maltrato. Marta Pérez é a autora desta proposta, construída a partir de materiais de creación colectiva, ademais de dirixila e de formar parte do seu trío interpretativo xunto a María Roja e Silvia Penas. [+]
A compañía Xerpo chega esta fin de semana ao Salón Teatro de Santiago co espectáculo 'Casquería e outras vísceras'
[07/12/2018]
O Salón Teatro de Santiago acollerá esta fin de semana a Xerpo Teatro, compañía residente da Sala Ingrávida do Porriño, co seu espectáculo Casquería e outras vísceras. Irene Moreira asina a dirección e dramaturxia desta montaxe, que Olga Cameselle e Álex Sobrino interpretarán na sede do Centro Dramático Galego mañá sábado 8, ás 20,30 h., e o domingo 9, ás 18,00 h. [+]
O director da Agadic anuncia un incremento do 21% na dotación das subvencións da Xunta a festivais audiovisuais
[05/12/2018]
As subvencións da Xunta a festivais audiovisuais, convocadas cada ano a través da Axencia Galega das Industrias Culturais (Agadic), estarán dotadas en 2019 con 170.000 euros, cifra que supón un incremento dun 21% respecto dos 140.000 euros adxudicados este ano. Así o anunciou hoxe o director da Agadic, Jacobo Sutil, na presentación da terceira edición de Novos Cinemas-Festival Internacional de Cinema de Pontevedra, que terá lugar do 11 ao 16 de decembro, onde adiantou ademais que a nova convocatoria se fará pública nas vindeiras semanas. [+]
A Agadic presenta no OUFF a súa colaboración co Cineclube Padre Feijoo na extensión ourensa da programación do CGAI
[04/12/2018]
O director da Axencia Galega das Industrias Culturais (Agadic), Jacobo Sutil, fixo hoxe balance da colaboración co Cineclube Padre Feijoo para o desenvolvemento da extensión ourensá da programación do Centro Galego de Artes da Imaxe (CGAI)-Filmoteca de Galicia. No marco da que é a quinta edición da iniciativa, este ano a Casa da Cultura da Biblioteca Pública Nodal acolleu unha vintena de proxeccións, agrupadas baixo o epígrafe Filmoteca dos luns, que rematarán o vindeiro día 10 co filme galego Vigo 1972, de Roi Cagiao. [+]
Gena Baamonde dirixirá a nova produción do CDG a partir de dúas pezas de Esther F. Carrodeguas e Roi Vidal Ponte
[04/12/2018]
Neorretranca e posmorriña será o título da próxima produción propia do Centro Dramático Galego, que dirixirá Gena Baamonde a partir dos textos Fantasía nº 5 en sol ou non, de Esther F. Carrodeguas, e Boisaca ou a divina desgraza, de Roi Vidal Ponte. A Axencia Galega das Industrias Culturais (Agadic) publica hoxe no Diario Oficial de Galicia (DOG) o anuncio polo que se se lle dá publicidade á convocatoria do proceso de selección das 10 actrices e actores que porán en escena o novo proxecto da compañía pública, con data de estrea prevista para o 11 de abril. [+]

Carteleira

<<   Setembro 2018   >>
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
 
 
 
 
 

 [13-decembro-2018]

ROBERTOLIVEIRA
O Porriño

 [13-decembro-2018]

TALABARTE
Santiago de Compostela

 [13-decembro-2018]

INVERSA TEATRO
Santiago de Compostela

Catálogos interactivos

Films from Galicia
Shorts from Galicia
Longametraxes e series
(pdf, 5.72 MB)
Curtametraxes
(pdf, 782 KB)

Galería

Vídeos

   Olladas