[17/12/2018]
O Centro Galego de Artes da Imaxe (CGAI) programa os vindeiros días na Coruña dúas sesións dedicadas a ‘Picadillo’, pseudónimo de Manuel María Puga y Parga, popular gastrónomo que fora alcalde da Coruña en 1914 e 1917. A filmoteca galega contribúe deste xeito á celebración do seu centenario coa estrea do documental sobre a súa figura realizado por Formato Producciones e coa proxección doutros títulos relacionados coa cociña e os cociñeiros galegos.
[+]
[13/12/2018]
Trote, a primeira longametraxe do realizador galego Xacio Baño, estréase mañá venres nas salas de cinema tras o seu paso polos festivais internacionais de Locarno, en Suíza, e de San Sebastián. O filme, producido pola compañía galega Frida Films, chega agora ao circuíto comercial como parte da carteleira dunha ducia de cines galegos e doutros sete do resto de España. [+]
[11/12/2018]
O equipo da compañía Inversa Teatro inicia hoxe unha estadía de seis días no Salón Teatro de Santiago para ofrecer ata o domingo oito funcións do seu espectáculo Sofía e as postsocráticas, no que aborda a violencia machista e as causas estruturais do maltrato. Marta Pérez é a autora desta proposta, construída a partir de materiais de creación colectiva, ademais de dirixila e de formar parte do seu trío interpretativo xunto a María Roja e Silvia Penas. [+]
[07/12/2018]
O Salón Teatro de Santiago acollerá esta fin de semana a Xerpo Teatro, compañía residente da Sala Ingrávida do Porriño, co seu espectáculo Casquería e outras vísceras. Irene Moreira asina a dirección e dramaturxia desta montaxe, que Olga Cameselle e Álex Sobrino interpretarán na sede do Centro Dramático Galego mañá sábado 8, ás 20,30 h., e o domingo 9, ás 18,00 h. [+]
[05/12/2018]
As subvencións da Xunta a festivais audiovisuais, convocadas cada ano a través da Axencia Galega das Industrias Culturais (Agadic), estarán dotadas en 2019 con 170.000 euros, cifra que supón un incremento dun 21% respecto dos 140.000 euros adxudicados este ano. Así o anunciou hoxe o director da Agadic, Jacobo Sutil, na presentación da terceira edición de Novos Cinemas-Festival Internacional de Cinema de Pontevedra, que terá lugar do 11 ao 16 de decembro, onde adiantou ademais que a nova convocatoria se fará pública nas vindeiras semanas. [+]Avisos
AUDIOVISUAL
-AuGAL Master Class Audiovisual Galego 2018-2019: inscricións e programa
AXUDAS AGADIC 2018
-Subvencións a festivais de artes escénicas: resolución
CENTRO DRAMÁTICO GALEGO
Carteleira
[18-decembro-2018]
Vídeos
Olladas
|
|
