-Foro "Noticias desde a trincheira" con Alejandro Martínez Roig, director xeral de contidos de Movistar+, no MPXA

O Máster en Produción e Xestión Audiovisual (MPXA), título propio da Universidade da Coruña que organiza a Fundación Santiago Rey Fernández-Latorre, coa colaboración da Axencia Galega das Industrias Culturais (Agadic), organiza o venres 12 de maio o foro “Noticias desde a trincheira”, con Alejandro Martínez Roig, director xeral de Contidos de Movistar +.
 
No seu relatorio, Alejandro Martínez analizará a situación actual da televisión en España, facendo especial fincapé na transformación dos hábitos de consumo e en como Movistar + está a liderar ese cambio, así como as estratexias da compañía para enfrontarse aos novos actores globais. Tamén dedicará un tempo para analizar o mercado Premium español desde a perspectiva de Movistar +, ademais dos seus contidos orixinais para a próxima tempada.
 
Alejandro Martínez comezou a súa carreira como produtor e redactor de Informativos en Radio Barcelona (SER) para logo pasar a El País como Redactor Xefe de Deportes e, máis adiante, como subdirector de El País Semanal. A súa carreira televisiva comezou en Sogecable, onde foi director de Contidos e ocupouse da xestión de todas as canles de produción propia e temáticos de Canal +. Actualmente é responsable da dirección de Contidos de Movistar + e da adquisición de dereitos e contidos para todas as canles da compañía e as súas plataformas.
 
O foro terá lugar o 12 de maio en horario de 10.00 a 13.00 horas, na Fundación Santiago Rey Fernández-Latorre. A inscrición neste é gratuíta, e só hai que notificar a asistencia enviando unha mensaxe á nosa dirección de correo electrónico: mpxa@udc.es