-Proceso de selección de sete actrices e actores para a produción de "Divinas palabras", de Valle-Inclán: convocatoria e bases

[27/11/2017] Publícase no Diario Oficial de Galicia (DOG) núm. 225, do 27 de novembro de 2017, o anuncio polo que se procede a dar publicidade da convocatoria e das bases reguladoras do proceso de selección para a contratación, pola modalidade de relación laboral especial de artistas en espectáculos públicos, conforme o disposto no Real decreto 1435/1985, do 1 de agosto, de sete (7) prazas de actrices e actores, coa categoría de principais, para a produción do Centro Dramático Galego no ano 2018 dunha versión libre de Divinas Palabras de Ramón María del Valle-Inclán.

Segundo o devandito anuncio, o proceso rexerase polas bases que se poden descargar nos seguintes enlaces e o prazo de presentación estenderase desde mañá, martes 28 de novembro de 2017, ata o mércores 13 de decembro de 2017.

ENLACES:
-Bases da convocatoria
-Anexo I (pdf editable)

-Anuncio no DOG núm 225, do 27 de novembro de 2017