-Programa Residencias Paraíso 2018: convocatoria aberta ata o 12 de febreiro

[23/01/2018] O Colectivo RPM e a Axencia Galega das Industrias Culturais (Agadic) colaboran na segunda edición de Residencias Paraíso, programa de residencias artísticas de investigación e creación contemporánea arredor da danza e das artes do movemento. Nesta convocatoria, aos espazos colaboradores do ano pasado (Teatro Rosalía Castro e a Fundación Luis Seoane da Coruña, Pazo da Cultura de Carballo, Vello Cárcere de Lugo, Pazo da Cultura de Narón e Auditorio Municipal de Ourense) súmanse o Teatro Colón da Coruña, a Sala Agustín Magán do CSC de Santa Marta en Santiago e a Sala X na Facultade de Belas Artes de Pontevedra
 
Paraíso 2018 acollerá ata oito proxectos en residencia, cunha dotación de 18.000 euros en total, nos devanditos escenarios entre mediados de marzo e finais de novembro deste ano.

O prazo de envío da información necesaria para participar nesta edición pechará o día 12 de febreiro e está aberta a artistas do territorio galego e do panorama nacional.

Máis información: https://www.colectivorpm.gal/residenciasparaiso