Os cinemas galego, polaco e portugués protagonizan a nova programación que Cultura e Educación desenvolve no CGAI ata finais de ano

  A sección Off Galicia acolle a presentación de seis novos títulos, mentres que os galegos Alberto Gracia e Lois Patiño comparten carteleira cos norteamericanos Ben Rivers, Ben Rusell e Michael Snow dentro da sección Dese

  O Centro Galego de Artes da Imaxe ofrece a partir do mércores un ciclo sobre a nova produción cinematográfica polaca, que está a vivir un período de puxanza da man de directores como Smarzowski, Król ou Kidawa-Bl&

  O audiovisual portugués concentra dez xornadas de proxeccións no marco deste programa bimestral, que inclúe novas entregas de Fóra de Serie e CGAI Júnior

 Os cinemas galego, polaco e portugués protagonizan a nova programación que Cultura e Educación desenvolve no CGAI ata finais de ano
[04/11/2013]
O Centro Galego de Artes da Imaxe (CGAI), dependente da Consellería de Cultura e Educación, ofrece ata finais de ano unha nova carteleira bimestral na que destacan senllos ciclos sobre a actualidade cinematográfica de Polonia e de Portugal, ademais da presentación dos traballos de novos creadores galegos a través de Off Galicia e Desencadres.

En total, a sala coruñesa do CGAI acollerá durante estes dous meses 56 sesións audiovisuais en 35 xornadas de programación que se estenden ata o 21 de decembro.

Este mércores 6 dá comezo o ciclo dedicado ao novo cinema polaco coas proxeccións de ‘Rosa’ de Wojciech Smarzowski e ‘Indeleble’ de Jacek Borcuch, dous dos expoñentes do período de puxanza que está a vivir a produción audiovisual dese país tanto desde o punto de vista do número de espectadores como da súa destacada presenza en festivais internacionais. Organizada en colaboración co Instituto Polaco de Cultura, esta sección prolóngase ata o vindeiro día 15 de novembro coas fitas ‘Mall Girls’ de Kataryna Roslaniec (día 7), ‘Madre Teresa de los gatos’ de Pawel Sala (dia 8), ‘Rosita’ de Jan Kidawa-Blonski e ‘Ostatnie Pietro’ de Tadeus Król (día 13), ‘Marcas’ e ‘Somnolencia’ de Magdalena Piekorz (día 14) e ‘Amor’ de Slawomir Fabicki (día 15).
 
Carteleira galega
Ao tempo, os sábados dedícanse ás presentacións inseridas na nova entrega de Off Galicia, que deu comezo a pasada fin de semana con ‘Onde as rúas non teñen nome’ de Alba Vázquez e continuará con ‘Up Against the Wall Motehrfuckers!’ de Marcos Florez, Samuel M. Delgado e José Luis Maire (9 de novembro), ‘A raia’ de Iván Castiñeiras (16 de novembro), ‘Alma e industria’ de Segundo Grandío (30 de novembro), ‘A realidade’ de Alberte Pagán (7 de decembro) e ‘9 días’ de Simone Saibene (14 de decembro).
 
Na nova edición dos Desencadres do CGAI e baixo o subtítulo ‘Últimas fronteiras’ figuran, así mesmo, dous destacados títulos no panorama audiovisual galego actual: ‘O quinto evanxeo de Gaspar Hauser’ (días 17 e 18 de decembro), filme de Alberto Gracia galardoado co premio FRIPESCI do festival de Rotterdam, e ‘Costa da Morte’ -na imaxe- (días 19 e 20), co que Lois Patiño recibiu o premio á mellor dirección emerxente en Locarno.
 
Ambas as dúas fitas, producidas por Zeitun Films co apoio da Axencia Galega das Industrias Culturais, comparten cartel neste ciclo con outras tres películas que presentan espazosxeográficos e personaxes afastados da chamada civilización moderna: ‘A Spell To Ward Off The Darkness’de Ben Rivers e Ben Russell (18 de decembro), ‘Two Years At Sea’de Ben Rivers (día 19) e ‘La Région Centrale’ de Michael Snow (día 20).
 
‘Cine do desasosego’
Portugal será outro dos eixes deste programa bimestral, no marco do que entre o 21 de novembro e o 13 de decembro terán lugar dez xornadas de proxeccións arredor da actualidade cinematográfica do país veciño. O ciclo ‘Cine do desasosego. Portugal hoxe’, organizado en colaboración co Festival de Cine Europeode Sevilla, a Agencia da Curta Metragemportugesa e CulturArts-Filmoteca de Valencia, está conformado por cineastas aos que o CGAI lles vén prestando unha atención preferente nos últimos anos, como Manoel de Oliveira, Pedro Costa, Miguel Gomes, João Pedro Rodrigues ou Gonçalo Tocha, ao tempo que ofrece unha excelente oportunidade de se achegar á obra doutros creadores como Joaquim Pinto, João Vladimiro, Salome Lamas, Rita Azevedo Gomes, Margarida Gil, Tiago Pereira, Miguel Fonseca, João Rui Guerra da Mata, Sandro Aguilar ou João Nicolau. Destes dous últimos exhibiranse, por exemplo, cadansúa sesión de curtametraxes, unha das especialidades do máis recente cinema portugués.
 
Nesta carteleira hai tamén lugar para as novas citas do ciclo Fóra de Serie, dedicado a presentar títulos normalmente afastados das salas comerciais. É o caso da triloxía ‘Paraíso’ de Ulrich Seidl (días 5, 12 e 19 de novembro), ‘Stemple Pass’ de James Benning (7 de novembro), ‘Los ilusos’ de Jonás Trueba (15 de novembro), ‘Bernardette’ e ‘Make it New John’ de Duncan Campbell (día 20) e ‘A World not Ours’ de Mahdi Fleifel (5 de decembro). Así mesmo e en colaboración co Festival Cineuropa de Santiago de Compostela, o CGAI achegará ao público galego a obra completa de Dan Sallit, un dos principais representantes do cine independente norteamericano, do que se proxectan as tres longametraxes que ten realizado ata o momento: ‘The Unspeakable  Act’ (3 de decembro) e ‘Honeymoon’ e ‘All the Ships at Sea’ (11 de decembro).
 
Este programa complétase con dous títulos pensados para os espectadores máis novos a través do ciclo CGAI Júnior, dentro do que se proxectará ‘As andanzas da pequena toupa’ de Zdenêk Miler (23 de novembro) e ‘El Cascanueces’ de Andrei Konchalovsy.

-Web do CGAI