A Agadic re˙ne guionistas e directores audiovisuais para abordar as oportunidades que lles brinda o programa MEDIA europeo

  O director da Oficina MEDIA España achegoulles as claves para utilizar as fontes de información, así como para acceder ás axudas de desenvolvemento de proxectos e de distribución televisiva

  A sesión informativa, celebrada na sede da fundación SGAE, enmárcase no ciclo formativo Galicia ProFilme

A Agadic re˙ne guionistas e directores audiovisuais para abordar as oportunidades que lles brinda o programa MEDIA europeo
[22/07/2015]
Guionistas e directores do sector audiovisual galego asistiron esta tarde na sede da Fundación SGAE, en Santiago de Compostela, a unha sesión informativa sobre as claves para optimizar o seu acceso ás axudas ao desenvolvemento de proxectos e á distribución televisiva a través do programa europeo MEDIA.

A xornada, que correu a cargo do director da Oficina MEDIA España, Peter Andermatt, foi organizada pola Axencia Galega das Industrias Culturais (Agadic) da Consellería de Cultura, Educación e Ordenación Universitaria como parte do seu programa de formación continua Galicia ProFilme. Nela tratáronse, ademais, outros contidos de interese como a identificación das principais fontes de información europeas e a súa utilización, ou as iniciativas pedagóxicas e de Networking en curso dirixidas especialmente a creadores audiovisuais.

Esta é a terceira ocasión na que Andermatt visita Compostela para tratar directamente cos profesionais galegos distintas cuestións que poden favorecer a captación de fondos europeos. Así, en novembro de 2014 xa lles ofrecera aos responsables de diferentes produtoras independentes unha panorámica do MEDIA como apartado de Europa Creativa, programa que agrupará ata 2020 as subvencións europeas para todo o ámbito cultural. En febreiro pasado participou tamén nun encontro centrado na modalidade específica de subvencións ‘Single Project Funding’.

O director da Agadic, Jacobo Sutil, foi o encargado de presentar esta nova sesión informativa. Durante a súa intervención, anunciou a sinatura mañá xoves dun convenio de colaboración polo que a axencia da Consellería de Cultura e Educación pasará a formar parte do padroado da Fundación Cultural Oficina MEDIA España.

-Programa da sesión