HUB AUDIOVISUAL E DA INDUSTRIA CULTURAL
Un impulso decisivo
A Xunta de Galicia pon en marcha, co financiamento do FEDER a través de REACT, o programa Hub Audiovisual e da Industria Cultural Galega, co obxectivo xeral de reforzar a posición de Galicia como un referente competitivo global en toda a cadea de valor da industria cultural e creativa.
EIDOS DE DESENVOLVEMENTO
A iniciativa está deseñada para desenvolver o potencial competitivo de crecemento e xeración de emprego da nosa industria cultural, para o que artella medidas en distintos eidos:- 1.- O primeiro é o da industria audiovisual, situando Galicia como un territorio idóneo e competitivo de localización de rodaxes, produción e postprodución. Trátase de fomentar a competitividade tecnolóxica e non tecnolóxica das empresas galegas, promovendo e dinamizando os servizos de produción. Tamén se traballa co obxectivo de favorecer proxectos colaborativos audiovisuais que identifiquen o noso territorio como un núcleo de xeración de contidos e producións de primeira orde, impulsando o seu efecto tractor sobre o resto da industria cultural e creativa galega.
- 2.- O outro eido que se aborda é o dos videoxogos e os contidos interactivos, promovendo a primeira iniciativa autonómica de fortalecemento e vertebración sectorial, en colaboración co tecido produtivo e asociativo galego. O hub prevé accións de promoción do talento e de aceleración empresarial, artellando ao tempo unha liña de axudas específica para as empresas do sector dos videoxogos.
- 3.- Por último, póñense en funcionamento medidas transversais para o conxunto da industria cultural galega mediante axudas para fomentar as inversións e competitividade tecnolóxica, así como a prestación directa de servizos para axudar ás empresas a acadar os retos aos que se enfrontan.
Todas as accións e medidas foron deseñadas logo dun proceso de consulta e diálogo co sector.
ORZAMENTO
O Hub Audiovisual e da Industria Cultural Galega conta con un orzamento de 9.600.000 euros para o período 2021-2023, financiado no marco do eixo REACT-UE do programa operativo FEDER GALICIA 2014-2020, como resposta da Unión Europea á pandemia da covid-19.
ACCIÓNS E CONVOCATORIAS
- Axudas para o fomento e a promoción de rodaxes audiovisuais que favorezan a recuperación económica do sector ao abeiro do programa Hub da Industria Creativa Galega
- Primeira convocatoria (2021)
- Segunda convocatoria (2022) - Axudas para o desenvolvemento de paquetes de propostas audiovisuais que favorezan a recuperación económica do sector
- Polo de aceleración do sector de videoxogos.
- Selección dunha entidade colaboradora para a xestión e organización
- Selección das empresas e proxectos que participarán no programa - Subvencións para a promoción e difusión de proxectos musicais profesionais
- Axudas para a promoción de videoxogos
- Subvencións a proxectos de programación musical na Rede Galega de Música ao Vivo dentro do Xacobeo 21-22
- Axudas para o desenvolvemento de proxectos audiovisuais individuais
- Axudas á dotación de equipamentos e activos que fomenten a innovación e competitividade da industria cultural galega
OBRIGAS DE PUBLICIDADE
